Min navê xwe kola  li bircên Diyarbekir   
  Gava ku stêrk      
  Li esmana stûxwar,       
  Gava ku ney û blûr û tembûr      
  Û dehol û zirna      
  Sar bûn, sar bûn   
    
  Bi giyanek pola    
  Min navê xwe kola    
  Min navê xwe kola  li bircên Diyarbekir.   
    
  Ez welatparêz im,    
  Ez mirovperwer im,    
  Ez Bavê Tûjo me lo!    
  Şoreşger im Şoreşger im   
    
  Min navê xwe kola  li bircên Diyarbekir.   
  Ez Şêx Seîdê kal,    
  Bijîşk Fuad im   
  Pêşmergekî bê nav û bê nîşan    
  Ez duh şehîd bûm    
  Îro, nûhat im