Ne tîr û ne xencer bû 
 Ne mar û ne ejder bû 
 Bihna Gulê ez kuştim 
 Ne şûr û ne şeşder bû 
  
 Ne kanî ne robar e 
 Dinê êvar û sar e 
 Rûyê Gulê ez kuştim 
 Erd evraz e û xwar e 
  
 Dinê bêdeng û zer bû 
 Û tirba min li der bû 
 Çavên Gulê ez kuştim 
 Ne êrîş bû ne şer bû 
  
 Çiya berf û dûman e 
 Gul û sosin ne mane 
 Rengê Gulê ez kuştim 
 Yê dimire beran e 
  
 Gulê bêdil î bêcan 
 Gulê e hakim û sultan 
 Sînga gulê ez kuştim 
 Gulê rovî û şeytan 
  
 Gulê bêdeng û bênaz 
 Gulê bêkir û awaz 
 Dengê Gulê ez kuştim 
 Gulê govend Gulê saz 
  
 Söz: Kâmiran Alî Bedirxan 
 Müzik: Yunus Dişkaya