Çi bû çi nebû, wa êşek nû bû 
 Kevnar bû, ji kevnarên herî berê 
 Wa xemên min, pêre ar, pêre har bûn 
 Bênav bû 
 Bêyî zar û ziman bû 
 Nas bû, lê dîsa jî ew wenda bû 
 Ez nexşeyek lal im, dibilînim, dinalim 
 Li havînekê kerr im, zîz im, lal im 
 Westiyayî û bêhal im 
 Malwêranek im, xewnekê dibînim 
 û li ber bayê dinyayekê dilerizînim 
 Nepirsin vê sibehê, navê êşa min Sozdar e 
  
 Kom bû, bû derya, mezin bû şax veda 
 Bûye ar, bûye serma, zivistan 
 Wa xemên min li bexçe tov vedan, alan dan 
 Ji tavê ew, ew bê par ma 
 Lal ma, ji tavê ew, ew bêpar ma 
 Gotin koçerek mirî xewnekê dibîne 
 Û li ser axa sar xeman dipeyivîne 
 Dibêje û dibîlîne 
 Malwêranek im ez, destê min vala ma 
 Bûme hevalê bayê êvaran, mêvanê mêvanan 
 Nepirsin vê sibehê, navê hişbûna min Sozdar ma