Ne bi almanî û ingilizi û ne bi fransî 
 em perwerdehîya xwe  dixwazin bi zimanê zikmakî 
 Ne bi farisî, ne bi erebî û ne bi tirkî 
 Zimane  me, zimane kurdî bikin zimanekî fermî 
 Bi feylî, goranî, dimilkî, soranî,  kurmancî 
 Her herem, her devok her zaravayekî 
 Binivîsinin, bixwênin  bifikirin, bipeyvin 
 Çi pêwist dike bikim ji bo na azadîya zimanê  min 
 Zimanên me dibêjin em habin ya nebin 
 Zimanên me dibêjin dibêjin em kurdin 
 Êdi bes e hew dikarin çanda me înkar bikin 
 Êdi bes e, dive em êdî lê xwedî derkevin 
  
 em fedî dikin,  qîymet nadin bikaranîna ziman 
 Qompleksekî me heye erê bêguman 
 Nayê qebul kirin em çanda xwe bi xwe bikujin 
 Dev ji nûçeyên wan û dev ji dîzîyen wan  berdin 
 Divê em êdî li televiziyonên kurdan/ temaşe bikin 
 Pirtûk, kovar û  rojname her roj bixwînin 
 Muzîka kurdî guhdar bikin govenda kurdî bileyizin 
 Divê wek kurdîya çapemenî yê kurdîya xwe pêşbixin  
 Û ne bi tenê  bi bikaranîna peyvên rojane 
 Bi her awahî ziman ê yekîtîya me 
 Bila  bizanibin em hene û zimane me heye 
 Zimanê me nasname, dîrok û hebûna me  ye 
  
 Bi kurdî ji me re digotin em ji bi kurdî dibêjin 
 Bi kurdî  dipeyivin deng dikin û diaxifin 
 Bi kurdî qise dikin şîrovê dikin û  diştexilin 
 Bi kurdî xeber didin û bi kurdî dua dikin 
 Bi kurdî sohbet dikin çêr dikin u sixêf dikin 
 Bi kurdî gazî dikin û daxuyanî didin 
 Bi kurdî  pistepist dikin û bi kurdî diqîrenein 
 Bi kurdî, bi kurdî em bi kurdî,  disitirînin